E-mail

Username

Password

Back to home

Inyandiko-mvugo y’inama ya Komiti Nyobozi  ya KHI yo kuwa 07/07/2008

Abari mu nama

N°	Amazina	Umurimo
1	Dr Kabagabo Chantal	Umuyobozi Wungirije ushinzwe Amasomo n’Ubushakashatsi
2	Kazige Eugène	Umuyobozi Wungirije ushinzwe Ubuyobozi n’Imari
3	Dr Njunwa Kato	Umuyobozi w’Ishami rya “CHD”
4	Bagambaki Imelda	Umuyobozi w’Ishami ry’Ubuforomo
5	Gatera Jeanne Lise	Umuyobozi ushinzwe Isomero
6	Ivan Emil	Umuyobozi ushinzwe abanyeshuri
7	Prof. Sabimana Firmard	Academic Registrar
8	Mwumvaneza Marcellin	Umuyobozi ushinzwe imari
9	Bareke Eric	Umuyobozi wa ICT
10	Kagemanyi  Léonard	Umuyobozi ushinzwe abakozi
11	Ndayishimye Geoffrey	Umuyobozi ushinzwe Igenamigambi n’Iterambere
12	Rutayisire Fidèle	Umunyamabanga wihariye wa Rector
13	Maneno Uwase Euphrasie	Attachée administrative muri Rectorat
14	Karuta Sudi	Ushinzwe amasoko
15	Seminega Silas Eugène	Ushinzwe amategeko
16	Rukundo Kanyankore	Umuhuzabikorwa wa Nyamishaba
17	Mujandwa Denis	Umuyobozi wa CEFOCK

Abatari mu nama ku mpamvu zizwi

• Dr Ndushabandi Désiré, Umuyobozi Mukuru wa KHI
• Tugume Bernard, Umuyobozi ushinzwe Academic Quality

• 2. Ibyari ku murongo w’ibyigwa :

• 1. Gusoma inyandiko-mvugo y’inama yo kuwa 23/06/2008.
  2. Ingengo y’imari y’ibikorwa bizakorwa muri Nyakanga 2008
  3. Igikorwa cyo gusura urwibutso giteganijwe
  4. Ihinduka ryo guhamagarana ku bakoresha code muri closer user group
  5. Workshop kuri counselling

• N°	Ibyemezo /Ibyifuzo	Uzabikurikirana
  1	Inyandiko-mvugo y’inama yo kuwa 23/06/2008 yarasomwe,ikorerwa ubugororangingo iremezwa Ibyakomotse muri iyo nyandikomvugo: Inama yamenyeshejwe ko abahawe isoko ryo gukora isuku muri KHI batangiye ku itariki ya 1/07/2008, abari mu nama basanze bafite ibyo bakwiye gukosora mu mikorere yabo nko kuba badafite ibikoresho byabugenewe(professionnel), kuba ari bake, gukora buhoro, kuba batangira akazi mu masaha yo gutangira akazi ku bakozi ba KHI…Inama yasabye ko Umuyobozi Wungirije ushinzwe Ubuyobozi n’Imari yakorana nabo inama akabagezaho ibyo bibazo byose bakanandikirwa amabwiriza bakwiye kugenderaho mu kazi kabo; Inama yamenyeshejwe ko amahugurwa muri management yari ateganijwe ku matariki 24 na 25 Kamena yabaye, abayitabiriye bakaba barayashimye bifuza guhabwa modules ndetse n’andi mahugurwa nk’ayo bahawe;  Inama yasabye ko mu rwego rwo kunoza uburyo ingengo y’imari itegurwa, hajya hibandwa ku bikorwa bizakenera kunyuzwa mu masoko ya Leta, Inama yasabye ko hajya hategurwa raporo y’ibikorwa hakurikijwe operational plan. Inama yasabye ko service ishinzwe Estate Management, iya ICT  bazajya i Nyamishaba kureba ibikenewe byose hagakoreshwa amafaranga ya expropriation; Inama yasabye kandi ko harebwa uburyo hagabanywa amafaranga amwe akoreshwa nko muri pause café (tea break), transport, mu butumwa (mission) supervision za stage…kuko nta mafaranga ahari;	Umuyobozi wungirije ushinzwe ubuyobozi n’imari       Umuyobozi ushinzwe abakozi         Umuyobozi ushinzwe imari, umuyobozi wa ICT, ushinzwe amasoko na Estate Manager
  2	Umuyobozi ushinzwe imari yeretse Inama  uko ingengo y’imari y’ibikorwa bizakorwa muri Nyakanga yateguwe, Inama yasabye ko service zitaratanga ingengo y’imari yabo ziyitanga mbere y’itariki ya 11/07/2008, kugira ngo zihurizwe hamwe, Inama yasabye ko buri service yajya itegura budget igaragaza n’ibikorwa byose kandi ikanakurikirana ibyo yasabye muri service y’imari;  Inama yasabye ko service y’imari izajya yerekana ibyakozwe mu kwezi gushize, ibitarakozwe n’impamvu bitakozwe; Inama yasabye kandi ko service y’imari yajya yerekana amafaranga ahari ndetse n’ibyihutirwa bigomba gukorwa mu gufasha abategura budget muri buri service gutegura ibikorwa bizabonerwa amafaranga;	Umuyobozi ushinzwe imari
  3	Inama yamenyeshejwe ko hari igikorwa giteganijwe cyo gusura Urwibutso rwa Bisesero, Inama isaba ko amafaranga yateganijwe mu kwakira abazaba bitabiriye igikorwa agera ku 200 000 yakongerwa ku nkunga yateganirijwe urwibutso ikagera ku mafaranga 300.000 aho kuba amafaranga 100.000, kikazakorwa ku wa gatanu tariki 18/07/2008.
  4	Inama yamenyeshejwe ko uburyo bwari busanzwe bwo guhamagarana ku bakoresha code muri closer user group bwahindutse, aho guhamagara code ni uguhamagara numero bwite y’uwo ushaka.
  5	Inama yamenyeshejwe ko hari amahugurwa y’ibyumweru bibiri kuva ku itariki 14/07/2008 kugera 25/07/2008 kuri “Counselling skills for helping survivors of traumatic experiences” akazatangwa n’impuguke ziturutse muri Université ya Missouri muri Leta Zunze Ubumwe z’Amerika. Inama yasabye ko hakorwa listi y’abazayitabira bakabimenyeshwa.

• Inama yatangiye saa tatu n’iminota makumyabili (9h20) isoza imirimo yayo
   saa sita n’iminota cumi n’itanu(12h15).

•                                           Bikorewe i Kigali, kuwa 16/07/2008

  Umwanditsi w’inama                                                    Perezida w’inama
  MANENO UWASE E.                                                       Dr Chantal KABAGABO
  Attachée Administrative muri Rectorat                   Umuyobozi Wungirije Ushinzwe
                                                                                          Amasomo n’Ubushakashatsi